Aktuelt

Laurdag 28. januar innbyr driftstyret for Fram til pub/dansekveld i Fram frå kl  21.30 - 02.00. Her blir det flott dansemusikk frå gode naboar i vest: Cool Valley All Star. Dei har allereie skaffa seg eit namn her i bygda, etter eit speleoppdrag i Fram for ei stund sidan. Set av denne laurdagskvelden til  trivelig samvær med sambygdingar i Fram!

Driftsstyret for FRAM ynskjer å kome i kontakt med dei som har bilete av FRAM frå før det vart bygd i 1936 og utover. Vi ynskjer og bilete av det som har gått føre seg inne, som f.eks. skodespel, 4H festar og anna. Det kan og vere nokon som har måleri av Vikja frå før FRAM vart bygd og utover. Vi vil be om å få låne bileta og vi vil deretter få Lars Lunde på Nordfjordeid til å avfotografere dei .
Vi planlegg å lage ei utstilling av korleis huset har sett ut oppgjennom åra og kva det har vore brukt til, denne vil vere eit av innslaga under åpningsfesten vi skal ha.
Ta difor kontakt med Ole Martin Rafshol eller ein annan i Driftstyret for FRAM og vi vil kome og hente bileta. Vi blir svært takksame om vi får låne bileta dykkar.

Av ulike årsaker har driftstyret for Fram bestemt seg for å utsetje opningsfesten for huset  inn til vidare.

Palmelaurdag  16. april blir det påskepub i Fram kl 21.30 - 0200.
Kjempeflott dansemusikk av duoen Born2Boogie. Vi garanterar god stemning og ein trivelig kveld i godt selskap, så det er berre å setje av kvelden til dette formålet allereie no.

På sida Om Lagshuset FRAM finn de no dei nye leigesatsane for bruk av dei ulike delane av lagshuset FRAM.

27. desember, 3.juledag,  kl 21:00- 02:00 inviterar vi til romjulspub i Fram. Håpar at mange vil nytte  høvet til å treffe bygdefolket til sosialt samvær.  
Denne gongen tek vi i bruk den nyoppyssa storsalen.
Sal av øl, vin, sider og snacks. Det blir også høve til å bruke dansegolvet.
Aldersgrense 18 år.
Arr: Driftsstyret for Fram

Byggjeprosjektet vi har halde på med i Fram dei siste par åra er straks ferdig. I den nye delen av storsalen kunne vi ha bruk for ein vask, gjerne innbygd i ein benk/skap, så har du noko slikt ståande som du ikkje har bruk for, kan du gjerne ta kontakt med Ole Martin Rafshol.

I kveld  klokka 21.00 - 02.00 blir det igjen anledning til hyggjelig samvær med sambygdingar og andre gjester i 2. etasje i Fram. 18 års aldersgrense. Sal av snaks, øl, vin cider og brus. Fint om du møter opp for å ha ein trivelig laurdagskveld, samtidig som du støttar opp om drifta og utbygging av huset. Arrangør: Driftsstyret.

Det har gått radig unna med byggeprosjektet i Fram siste tida. Onsdag kom den nye inngangsdøra på plass og i  går byrja dugnadsgjengen på legging av nytt golv i storsalen. Dette arbeidet blir trulig ferdig i løpet av kvelden, og då står senking av taket i gangen og maling og oppussinga av trappeoppgangen for tur. Sjå fleire bilder ved å klikke på overskrifta.