Det var godt frammøte i Fram torsdag då ski og skiskyttargruppa i Stårheim IL hadde skikveld.

Nytt av året var at fjelltrimmen hadde si utdeling av diplomar og pokalar.

Det vart så utdeling av diplom frå skytekarusellen og lagsmeisterskapen i skyting, som rekruttane og juniorane har hatt i sommar. Etter ein del informasjon om økonomi og aktivitetar, hadde vi ei matøkt med innlagt lynlotteri og prøving av ulike kle frå Team Stårheim.

Eg vil rette ei stor takk til næringslivet i kommunen som gir oss flotte premiar til loddbøkene. Ei stor takk går også til Kjelly Hafsås som atter ein gong ga oss ein av dei flotte nissane som ho lagar sjølv. Dette har blitt hovudgevisten i lotteriet, og ein av grunnane til at loddsalet går så godt. Frå loddbøkene og lynlotteriet fekk vi ei inntekt på kr. 33.500,- noko vi er svært godt nøgde med.

Gevinstliste og vinnarar finn de her . 

Ei stor takk til alle som kjøpte lodd og støtta skiskyttargruppa.