Sogn og Fjordane Bygdekvinnelag hadde årsmøte på Nordfjordeid denne helga. 74 bygdekvinner og ein frå Bondelaget var tilstades. Mange hadde reist langt og det var imponerande å høyre at viljen var stor for å delta, sjølv om vegar var stengde, skulle dei til årsmøtet. Undertegna og Aud Iren Øien var utsending frå Stårheim. Bondelaget har eit godt samarbeid i fylket og delar til og med kontor i Førde. Varaordførar Kjell Magne Åshamar ønskte alle velkomne til bygda. Saklista var lang, men det var mykje "matnyttig" for oss som ikkje har vore med før. Viss det var nokon som såg mange bunadskledde damer i Eidsgata laurdag ettermiddag, so var det Bygdekvinnene som gjekk i bunadstog. Turen gjekk frå Nordfjord Hotell gjennom gata og opp til Operahuset (innlagt bildetaking av Fjordabladet) og nedatt til Eid Kyrkje. Litt kaldt var det ute, so det var godt å kome inn i kyrkja der Prost Rolf serverte oss ei fin gudstjeneste med fine tonar frå orgel og trompet frå galleriet. Vidare var det festmiddag på Nordfjord Hotell og eit flott kakebord etterpå. Musikkunderholdning av Eid Musikkskule og Aud Hjelle viste oss "vårkolleksjonen" sin. Søndagen starta vi tidlig og tida gjekk til budsjett/økonomi og val av tillitsvalgde. Kari Anne Brekke frå Fuglesetfjorden tok attval.